Prekosyon pa kapon: ki jan pridans mwen fè Amway pa gen tan pran m
Sa se temwayaj Vanessa pataje avè nou. Nou kontan pibliye l pou li e nou panse temwayaj sa ka ede lòt moun.
.........................................................................................................................................................
M te ka gen yon 7 ou 8 an lè papa m te rantre nan Amway. M sonje se te reyinyon sou reyinyon. Kòm mwen te timoun epi paran m t vin divòse nan menm epok la, m pa t vrèman konn detay jan sa pase.
Anpil ane pase m jwenn moun vin ofri m rantre nan youn. Mal mande lepè an si l te arive milyonè an kachèt nan Amway (ou pa jann konnen) ? Li di m pa lapenn. M te deja pa t fye bagay moun yo, m tou di yo non.
M gen yon bagay lakay mwen ki ede m anpil. M renmen baze desizyon m a 80% sou eksperyans lòt moun. Se sa k fè m ka di jouk kounye a m pa janm tonbe nan gwo zen. M priiiidaaan. Tout sa pou m di si tout moun te menm jan avè m koze MLM sa te kraze deja.
M fè AVON, Amway, 5Linx, Beonpush...e m pa janm fè pwogrè vre
Sa se temwayaj yon moun pataje avè nou. Nou kontan pibliye l pou moun nan e nou panse temwayaj sa ka ede anpil lòt moun.
------------------------------------------------------------------------------------------------------------------
Li rès la
Eksperyans fanmi m ak AMWAY
BRAVO epi mèsi tout ekip ki reyalize travay sa! Kòman mòd biznis MLM nan ka gen gwo konsekans mabyal sou lavi nou ? Aprè mwen fini gade video a, mwen deside pataje avèk nou yon eksperyans konsa (AMWAY) te genyen sou fanmi mwen (mwen se yon viktim dirèk).
Se papa m ki te fè eksperyans lan, men se tout fanmi an ki viktim paske sa te gen pou premye konsekans separasyon manman mwen avèk papa m. Sa ki te vin koz anpeche posibilite yon bon planifikasyon avni timoun yo, mwen avèk sè epi frè mw. M te gen 6 lane lè yo separe akoz AMWAY.
